Senin, 14 Februari 2011

Urang Neangan Urang

Ulah nuduh ka nu jauh
Ulah nyawang ka nu anggang
Nu caket geura caketan
Nu deukeut geura deuhesan
Aya naon jeung aya saha
Dina jeuro wujud urang

Geura pek geura panggihan
Moal jauh tina wujud
Moal anggang tina awak
Cirina satangtung diri
Tiluhur sausap rambut
Tihandap sausap dampal

Ulah kabobodo tenjo
Ulah kasamaran tingal
Nu lain dienya-enya
Nu nyanding diapi lain

Sing asak-asak ngejo
Bisi tutung tamagana
Sing awas-awas nenjo
Bisi kaduhung jagana


(source: unknown)

1 komentar:

Roy_hasanuddin mengatakan...

follow saya ya mas
http://hasanuddinstory.blogspot.com/